اخوانى واخواتي الكرام
عند مرورنا بالمنتديات نجد الكثير من المسجات الرائعه والتي تعجبنا
واغلبنا يحفظها ويرجع يكتبها يدوي
وقد تاخذ الكثير من الوقت والتعب
لكن فيه حركه جميله جدا ومريحه وقد وظبتها بالطريقه المناسبه لكم
هذه الطريقه قد تكون معروفه عند البعض منكم
ولكن الاغلبيه لايعرفها
خلونا من الكلام الكثير
وهيا خاصه بجولات الجيل الثالث ابو كاميرا
ودعونا نبدا الطريقه وارجوا الانتباه وهي ليست بصعبه
اولا
تفتح مستند نصي جديد وخليه مفتوح لاتقفله
ثانيا
انسخ فيه المسجات اللى تعجبك ولايهمك عددها
لو تبي تحط الف مسج مو مشكله
ثالثا
لما نخلص من وضع المسجات
نروح نسوي لها حفظ باسم
مو حفظ انتبه زين
رابعا وهو المهم
نختار اي اسم للملف
ولكن نغير الترميز الى Unicode وهذه اهم نقطه بالموضوع
لانك لو حفظتها بدون ماتغير الترميز مراح تضبط معاك الحركه
لازم تغير الترميز
خامسا
احفظ المستند باي مكان بجهازك
طيب اللحين كل شي تمام
باقي علينا اننا ننقل المستند الى الجوال
طبعا ننقله عن طريق وصله البلوتوث
واذ نقلتها الى الجوال فكها وسوي لها حفظ
حتى يحفظ عندك المستند في الملاحظات
طيب اللحين سوينا كل شي
باقي علينا كيف نرسل ونختار احدى الرسايل
من داخل المستند اللى حفظناه
انا اقولكم
لما تفك المستند انزل بالاسهم واقعد اقرى ومخمخ على كيفك
ولما تشوف رساله عجبتك وودك ترسلها الى حبيبك او الى شخص عزيز
حرك الموشر الى اول حرف بالرساله اللى تبغي موقصدي اول حرف بالمستند
انا اقصد بالرساله اللى تبغي
واللحين فيه زر بالجوال مرسوم عليه مرسام او قلم المهم ماعلينا
خليك ضاغط عليه وحرك الاسهم الى تحت وتشوف ان الرساله تحددت باللون الازرق ولما تخلص ابقى ضاغط على الزر وتشوف تحت بالشاشه مكتوب نسخ على اليسار انقر عليه ليتم نسخ الرساله
واللحين روح فك الرسايل واختار رساله جديده
واضغط على الزر المرسوم عليه مرسام وخليك ضاغط
وراح يطلع عندك بالشاشه تحت
على اليمين لصق وعلى اليسار نسخ
نضغط على لصق وراح تطلع عندك الرساله
الى نسخناها
واللحين ارسل بالهنا والعافيه
وبكذا يكون انتهينا
عاد لااوصيكم اول رساله بتكون لي طبعاااااا