منتديات شاطئ الذكريات
اهلا وسهلا بك زائرنا الكريم . ان كنت عضوا فتفضل بالدخول او عليك بالتسجيل معنا لنتشرف بوجودك معنا





 
الرئيسيةس .و .جبحـثالتسجيلدخول

شاطر | 
 

 مسجات في مسجات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عروس البحر
مشــرفةمشــرفة


الجنس : انثى
المشاركات : 2476
العمر : 30
العمل/الترفيه : دوخة جوة خوخة ههههههه
الدولة :
مزاجى :
تاريخ التسجيل : 01/09/2008
نقاط : 32367
السٌّمعَة : 7

مُساهمةموضوع: مسجات في مسجات   الأحد أغسطس 01, 2010 5:37 am

أوعدتنـــــي
تكون لي ..
دنيتي وهمي
وآخرتي ..!!
وأوعدتنــــي ،،
تحفر أسمي بقلبهـــا
وبالنهايـــــه ،،
خلتني لحالــــي
وصار قلبهـــــا خالي ..
ومحت أسمـــــي
ومحتنــــــــي ..!!

=-=-=-=-=-=-=-

تدري ..؟!
وشّّّّ!! اللي ذابحني والبلا فيني
أبي أعرف عروق {الغلا}
وشلون تسرقها ..؟!
يمكن تكون الخيانه من شرايني!
وإلا حظوظك يجوز الله موفقها
ما قلت لحدن سوى {أمي} يا بعد عمري!!
وشلون خليتني لعيونك أنطقها.!

=-=-=-=-=-=-=-

عشقتك عشق مجنون دوم يشقق بثوبه
وعشقتك عشق سكران مات وبيده مشروبه
وعشقتك عشق مدمن يشوف الدنيا مقلوبه
وعشقتك عشق مسجون كل أحلامه مسلوبه
وعشقك عشق كافر مات وفاتته التوبه
وعشقتك عشق مسلم أنت أعظم ذنوبه

=-=-=-=-=-=-=-

ياللـي كتبتـي مـن دم القـلـب حـبّـك
الله حسيبـك كـيـف هــان ومحيتـيـه
يــا هـاجـرة مــا خـفـتـي الله ربـــك
في قلبي اللي طـول عمـرك ملكتيـه

=-=-=-=-=-=-=-

في خوتك علمتني من العجايب الكثير ..
وأثبت لي شي كان عندي مستحيل ..
علمتني كيف فنك في جرح الأقرابي ..
وأثبت لي كيف البشر تتبدل بثواني ..

=-=-=-=-=-=-=-

يالـلـي تناسيـتـي حـيـاتـي بـقـربـك
أنــا القتـيـل الـلــي بـكـفـك قتلـتـيـه
ساقي تعب يمشي على طـول دربـك
يتبـع سـراب فـي طريقـك رسمتـيـه

=-=-=-=-=-=-=-

فكرت مره أخطفك وأنحـــاش
وقررت من قلبي أنفذ قراري
وفعلا لبست حزام ناسف ورشاش
وخذت أحتياطات الطواري
(( لا تخــــاف ))
حلم تحلمته طلع طاش ما طاش
وأصبح ما عندي من الشــــــــــر طاري

=-=-=-=-=-=-=-

خلك معي شفني تعبت أشتاقلك
وأصيح بأعلى صوت أنا محتاجلك
أنت الوحيد يا منيتي أنت وبس أرتاحلك
ضمني بدفا صدرك شوي
عطني من أوقاتك دقيقه وإلا هي واجد علي؟!؟
ودي أنا أحكيلك غرام وفي صدرك الدافي أنـام

=-=-=-=-=-=-=-

مثل الحصان اللي وضع له حواجز
كل ما تعدى واحدٍ شاف ثاني
يا حيف مير العمر مانيب حايز
حتى بأحلامي وبعض الأماني
أصبر لعل الصبر ينفع وجايز
تسفر لنا الأيام يضحك زماني
وأنا لقيت من العنا ما كفاني
عساي يا ربي على العفو حايز
وعساي مرحوم إذا الموت جاني

=-=-=-=-=-=-=-

يــا عيــد قلبي .. صاحبي عيد ميلادك ..
"العمـــركله" لــك .. فرحه وشرحه ..
عساني حي .. وأحضر كـــل أعيادك ..
وأهديك وردات الـــغلا فوق صرحه ..
أزداد عمــــرك .. صح!.. لكنه أزدادك ..
في خافقي لك بالـــغلا ألف صفحــــه

أعطيك نور العين .. لو تطلبــينه
وأخلق لك الأعذار مهما قسيتي
وين الحنان .. اللي معي تدعينه
وين الوفا .. اللي في ثيابه بديتي

=-=-=-=-=-=-=-

أكذب عليك إن قلتلك شي عادي
وأكذب عليك إن قلت .. عدت ومسموح
لو شفتني ساكت وأجامل .. وهادي
أضحك معك وأنا حزين .. ومجروح

=-=-=-=-=-=-=-

إذا قلبك نفذ صبره وصرت بدنيتك تعبان
أجل شتقول لا شفت الفراق شلون يرميني
يمين الله من بعدك أنا .. تشــعل بي النيران
ولا مني تذكرتك لهيب الشوق يكويني
ألا يا أجمل عيون صدفها شاعر ولهان
كتب في آخر أبيات القصيد ((لا تخليني))

=-=-=-=-=-=-=-

طاب القصيد بفرحتك يا إبن الأجواد
وأحلى التهاني جعل ربي يهنيك
فرحتك تفرحنا عسى رب الأعباد
يسعدك في كل الليالي ويحميك

=-=-=-=-=-=-=-

يا عين لا تبكيـن خلـن فقدتيـه
تصبري وأرجي من الله يجيبـه
مدام هو حي مع الناس شفتيه
لو طالت الغيبهـ لزوم التقي به
قلبي من الفرقى تزايـد بلاويه
وعهد على ما أنسى غرامه وطيبه

=-=-=-=-=-=-=-

لو شفت حالي .. كيف عايش بلياك ..
تبكي على حالي وتكره غيابــــــــــك ..
سولف لي عن غيبتك .. وشلون دنياك ..؟!
عساك تضحك والحزن ما درابــــــــــك ..
لامر طيفك قلت أقلط وحياك ..
وسط الفؤاد اللي هواك وشقابك ..

=-=-=-=-=-=-=-

إذا إبتسمت تبتسم لي حياتي
تضحك لي الدنيا ويجذبني الشوق
وإذا إبتعدت قلت هذا مماتي
دنياي ظلما خاليه مالها ذوق
وحبك بقلبي نابت به نباتي
يرويه دمي من شراين وعروق
وأنت بحياتي ساكن وسط ذاتي
مثل سكون العين والرمش من فوق

=-=-=-=-=-=-=-

بكيت ودمعتي سالت على خدي تعاتبني
وقالت لي: علامك أنت كل ما ضقت ذارفني
سكت شوي ثم رديت أنا حزني يعذبني
كل ما قلت باكر زين يجي باكر يحطمني
وعندي صديق أحبه حيل له مده مقاطعني
ولي أحباب معدودين ولا واحد تذكرني ..؟!

=-=-=-=-=-=-=-

أمسك خيوط الليل وأقول وش عـــاد
ينفع وجود الذات من غير ذاتـــي
وأعلن ضياعي وترك النفس تنقــاد
يم السراب وبالصحاري مباتــــــي
وأركب سفــــــينه فوق الأمواج نشاد
أصرخ وأقول: وينك يا حياتــــــــي ..؟!

=-=-=-=-=-=-=-

ياليتني في حارة الزين خباز
أسابق المذن وأسوي عجيـنه
أبيه لامن صار للخبز معـتــاز
أمد له خبزه وألمس يديــــنه
وأولع التـنور وأرفع على الغاز
ولو أحترق فدوه لرمشه وعينه


آه خلي يا حبيبي يا رفيق الدرب ..
لمني خل الوداد يعانق إيدينا ..
يوم ميلادك أقدم من صميم القلب
أجمل الأبيات تكتب لأروع شخص
ولا أفكر في القوافي ..

=-=-=-=-=-=-=-

في أحلى يوم بالشهر
حبيت أسبق البشر
وأهني اللي أحلى من القمر
وأغلى من النظر
وأبارك لها بيوم ميلاد العمر
وأطلب من ربي يحفظها طول الدهر
وأقولها كل عام وأنتي بخير وعقبال مليون عمر

=-=-=-=-=-=-=-

قلت أشوف بعض الناس قبل يحين ميلادك ،،
وش اللي من هداياهم يليق بوجهك البدري ..؟!
هديتهم قفص وطيور .. قلت بعيد ميلادك ،،
أسوي مثلهم وأهديك طير في قفص صدري

=-=-=-=-=-=-=-

يا شعر عبر لي عما في الخفــوق
من غــلا إنسان نادر في الوجود
اللي ســاحرني بكلامـن فيه ذوق
والأدب في حكيه أصناف ووجود
لـو درى أن ضميري له يتــــوق
ما حسب للزهر وإلوان الــــورود

=-=-=-=-=-=-=-

معك طعم المسا غير
معك حتى السوالف غير
معك يا حلو تقليب المواجع بين "كفين"
تبختر بين د . قـ . ـا . ت الخفوق
ونشوة التفكير ترى :
كل هالحياه أصغر من اللي
"بـيـــني" و "بينــــــك"

=-=-=-=-=-=-=-

في زحمــة الدنيـــا وسنيـــن العجايــب
يـامــا كثــيــر خـــــلان ينســون خـلان
تمـــر أيامهـم في عجـل مثل السحـايـب
أو مثل الضرير اللي على الشوق ولهان
وأنا بعـد أمــــــــي ترى مالي قـــرايب
مالي غير الله ثم أنت يا (( أعز النــاس ))

=-=-=-=-=-=-=-

ودي بشب النار والجو هادي !!
في صحن توه من الوسم ممطور !!
هذا هوى بالي وغاية مرادي !!
ومعي مثل شرواك والبال مسرور !!
ونبعد عن الديره وكثر الدوادي !!
في موقعن مابه من الناس جمهور ..

=-=-=-=-=-=-=-

أغيب بس إني على العهد باقي ..
يردني شوق على الود لا زال ..
ما غيركم يا زين للعين لاقي ..
لك بالمحبه في لجا الروح منزال ..
هاك العهد منى ليوم الفراقي ..
ما أنسى غلاكم لو الزمن بيننا طال

=-=-=-=-=-=-=-

أذكر إني شايل بقلبي أجمل أحساس
وأذكر إنك لي يا غالي أغلي ناسي
لك بقلبي معزه ولك موده مالها قياس
ولك شعور حنون ماهو بقاسي
أشكرك من أعماق حبي يا أجمل الناس
لانك صرت مني وفيني
ولك بداخلي صادق أحساسي

=-=-=-=-=-=-=-

يالله عسى الوقت كله دايم أعيادك ..
مع من تحبه وعند اللي يحبونك ..
وتعيش في دنيتك محقق أمرادك ..
والناس دايم بفعل الزين يطرونك ..
هذي تحيه أتمنى تفرح فؤادك ..
واللي كتبته كله لخاطر عيونك
ما دريت وش صــار فيــني
يوم غاب عني صـــــــوتك ؟!!
رحت أضم لك ( صوره ) عندي
على الأقل أسمع سكــوتك
وش أسوي مالي حيله
غير بروازك أشيـــله
وأشكي همي وأشتكي له
شوف جرحي لا يفــــــوتك
يوم غـــــاب عني صوتـــــك

=-=-=-=-=-=-=-

أحبك طفل أعمى ماسك ثوبك يخاف يضيع
وأحبك شايب قرب يموت بغيبة عياله
وأحبك نظرة عيون غزتها حسرة التوديع
وأحبك ورده ماتت ولا جاء اللي بتهداله
وأحبك منظر الثـلج إن بدا فوق السفوح يميع

=-=-=-=-=-=-=-

تعال شوف الجـــرح لعـلك تأثر
وإلا تهــزك ذكرياتن قـديـــــمه
تعال ( تكفى ) كف دمعن تنــثر
ما عاد بالدنيا قلوبن رحيــمه
وإن كان ما شفتك وشوفك تعـثر
بـ ( أموت وأنت المشترك بالجريمه )

=-=-=-=-=-=-=-

حاربت أنا الدنيا وأخذت البطولات
و يوم حاربت طيبك
ذقت طعم الهزيمه!

إذا بيوم قالو لك من يحبك ناسيك
قولهم بكل ثقه
كيف ينسى الغروب الي من الفجر صايم ..؟!

=-=-=-=-=-=-=-

تكلم يا بعد عمري فضفض بالذي همك
أنا ما قوى على شوفة حبيبي ضايق ومهموم
تكلم وأحرق دموعك وسط قلبي وأنا أضمك
عساها تنجلي من أحزانك بقايا غيوم
حرام الوقت يتألم وهو عاجز يفهمك
حرام أكون من ضحكة عيونك أنا محروم

=-=-=-=-=-=-=-

في غيبتك كني مع الهم موعود
داخل على الله لا يطول غيابك
يا أخي حياتي صارت أيامها سود..!!
يرحم أبوك تشيل عني عذابك ..
من كثر ما أنا شفت في حبك صدود
أخاف تلقى جثتي عند بابك!

=-=-=-=-=-=-=-

حاكني بأقوى تعابير الغرام
والفرح بأسلوب تكفى دلني
وضمنى بإدفى مراسيل الغرام
ومن شتات الوقت تكفى لمني
وخلني طفل على صدرك ينام
غير قربك يالغلا ما همني

=-=-=-=-=-=-=-

تراهني على نبضي ونبضك أيّهم يسهر
يتابع خطوة الثاني ويفرش بالوفا دربه ..؟!
من اللي يعشق الثاني كثير ولهفته أكبر ..؟!
من اللي يملك الدنيا لاصار الثاني بجنبه ..؟!
يحس أنه فقلب القلب يتباها ويتبختر
ويرقى سلم الأضلاع وهي تحضنه مضطربه

=-=-=-=-=-=-=-

المستريح اللي يوم طاب السهر نام
وأنا عيوني بالسهر مستبده
خلوه يأخذ راحته ثم لا قام
قولوا له إني يا كثر ما أوده
والله ما أحسده على حلو الأحلام
لكن تحت خده حسدت المخده

=-=-=-=-=-=-=-

كل اللي يكفيني بعمري لحظتين ..
لحظة أشوفك وأختنق من عبرتي ..
ولحظة أبادلك الحنين ..
و أشتاق لأحلى لحظتين ..
وأشتاق أنا في هالحياه لكلمتين ..
كلمة " أحبك" نفسها بس مرتين ..


أجمل شيء في الحياه حينما تكتشف
وجود أناس قلوبهم مثل اللؤلؤ
المكنون في الرقه واللمعان ..
وقلوبهم لا تحمل الكره بل الحب ..
اللهم أحفظهم وأكرمهم
وأجمعني بهم تحت ظل عرشك
فاني أحبهم فيك اللهم آمين

=-=-=-=-=-=-=-

يا مـرحـبـا ياللي على العسر واللين
تتعب قوافي الشعر تاصل مديحه
يا مرحبا أهلا وسهلا ملايين
تمزج مع الريحان لا فاح ريحه
ترى الغلا بالقلب ,, لو تبعد العين

=-=-=-=-=-=-=-

تعبت أدور بين الأجواد صاحب"
وعندي مفاهيم الصداقه عظيمه"
وأدري الصديق بكل الأحوال ساحب"
وأحذر صديق السو حكمه قديمه"
وحب راعي الطيب والجود واجب"
شـــــSHRWAKــــرواك

=-=-=-=-=-=-=-

سلام من خفايات الخفايا ..
سلام من وسط الضلوع المهاديف ..
مشتاق لك والشوق قطع حشايا ..
يا عين حر ساكن في المشاريف ..
عساك تهنى وتفرح وهذا منايا ..
وتلقى السعاده وين ما حلت خطاويك ..

=-=-=-=-=-=-=-

الطيب ورثك ما شريته بالأثمان ..
متسلسل من نبع ناس عزيزين ..
والعز ساسك وأنت للعز ديوان ..
قول صحيح ولا يبي له براهين ..
لبست من طيبك على العز تيجان ..
تاج قوي ولا تهزه سلاطين ..

=-=-=-=-=-=-=-

يا أروع إنسان قابلني وقابلته
لو غاب عن شوفة عيني ما تناسيته
مافيه ساعه تمر إلا تخيلته
مافيه ليله تمر إلا تحريته
العمر يمضي ولكني تجاهلته
مهما أفترقنا غلاه بخاطري شلته

=-=-=-=-=-=-=-

رسالتك خلتني بالحيل أبتسم ..
وخلت الأشواق فيني فايق مداها ..
كنت أنا قبلك ساكت و منكتم ..
لكن رساله منك جرتني وراها ..
ترى قلبي بيني وبينك إنقسم ..
والروح تبي روحك لا سواها ..
كل شي مهم لكن إنت الأهم ..
والدنيا في عيونك شايف حلاها ..

=-=-=-=-=-=-=-

رص المشاعر بالحبر يا قلم رص
وبعد المشاعر باقي الحب رصه
قلبي يعاني وأنت بالحب مختص
وأنت الذي عقلي بـ الأفكار خصه
قصة غرام وكانت أكبر من النص
فيها حبيب ساكن القلب نصه
أخر كلامي أطلبك يا قلم وص
خلو علاجي بـ الأشواق وصه

=-=-=-=-=-=-=-

أبطى جوابه والرسايل قليله .."
والشوق يدفعني على كل الأحوال ..!
صحيح قلب المؤمن أصبح دليله .."
لكن قلبي ما عرف راحة البال ..!
ياليته يكمل بقايا جميــله .."
ألو ..
هلا ..
وشلونك ..
وكيف الأحواااااال ..؟!

=-=-=-=-=-=-=-

كني سمعتك تقول :
وين أنت..؟!
يلي فراقك هشم
أضلاعي ..
قلبي " تشتت " وصعب
اليوم تجميعه ..
عيب المحبه تغير بعض
الأوضاعي ..
واللي بقلبك عيونك لازم
تذيعه ..
جوابي العجول :
ليتك حبيبي تشوف بعينك
أوضاعي ..
وتعرف اللي يحبك ما
يبيعك ..


سبحان من صور حبيبي على الكيف
وأختار له صوره تليق بمقامه
صحيح لو قالوا عجيب التواصيــف
في مشيته في ضحكته في كلامه
إذا هرج لك ما تمل الســواليف
وليا إبتسم يا زين ذيك الإبتسامه

=-=-=-=-=-=-=-

عندما تتكلم العيون
ويتوقف اللسان
عندما تسبق الدموع الكلمات
بل تعجز الكلمات عن التعبير
فأعلم أن لحظات الوداع لا تطاق
وتصبح الكتابه أقل مراره من الكلام
وصبرنا في كلمه واحده
إلى اللقاء

=-=-=-=-=-=-=-

صاحبي ماله بها الدنيا مثيـــــل
تتعب الحره وأنتم تتعبــون
مثل خلي ما تلاقون البديــــــــل
واصل وده ولا يمكن يخون
لو يزيد الوصف في حقه قليــل
ساكن قلبي على كلي يمون
في عيوني صورته أجمل خليــل
ماليٍ دنياي غالي ما يهون
ذا نصيبي يا عسى عمره طويــل

=-=-=-=-=-=-=-

اللي قسو نترك غلاهم بقسوه
بس أنت لو تقسى ترى القلب يغليك
لك هيبه الفارس وطيبه ونخوه
يا صاحبي لو تطلب الروح تفديك
صحيح لي في الناس غالين وأخوه
بس أنت بين الناس محد يساويك

=-=-=-=-=-=-=-

اللهـمـ هؤلاء أحبتــي عيني لا تراهـمـ ..
فـ بعينـك اللهمـ أرعــاهـمـ ..
وفـرج همهـمـ و شكـــواهــــمـ ..
وأجعــل السعـاده لا تفــارق عينـاهـمـ ..
وبحكمـتـك اللهـمـ سـدد خطــاهــمـ ..
وأجعــل الـفـردوس دارهـمـ و مأواهــمـ ..

=-=-=-=-=-=-=-

يوم القدر يرسم على الوجه ضيقه
أنت البشاير بالفرح والتهاني
ويوم المراكب و البحور العميقه
أنت الشراع و طاري أسمك مواني
ويوم الغلا يجمع صديق بصديقه
يكفي معك حضن الصداقه أحتواني

=-=-=-=-=-=-=-

كل عام وإنت يا غـــــــــالي أجمل أيام العمر
كل عام وحبك في قلبي يا بعد عمـــري يزيد
كل عام وإنت رفيقي وصاحبي وأغلى البشر

=-=-=-=-=-=-=-

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر
حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر

=-=-=-=-=-=-=-

ما تمــوت الشمــس من بعـد الزوال
وما يــموت الحــب لو غابوا هلــه
اسألك يـا [ الإسم ] يا بنت الرجال
ليــه أسمــك صار بقلبـي مسـأله
بـسألك والحـل فـي نفـــس السـؤال
أنتــي بنــت النـور ولا مـذهلــه ..؟!

=-=-=-=-=-=-=-

لا تسأليني والمشاعر جريحه
لا تبحثين بخاطري وجه الأسباب
خلي العواصف ساكنه مستريحه
حتى الشجر لا هزه الريح يرتاب
خليني ساكت لا تضيق الفسيحه
بعض السوالف للألم تفتح أبواب
الرجوع الى أعلى الصفحة اذهب الى الأسفل
مجروح منك
المدير العامالمدير العام


الجنس : ذكر
المشاركات : 3432
العمر : 31
الدولة :
مزاجى :
تاريخ التسجيل : 08/02/2008
نقاط : 34241
السٌّمعَة : 2

مُساهمةموضوع: رد: مسجات في مسجات   السبت أغسطس 07, 2010 11:42 pm

يسلموووووووووووووووووو

على المسجات ال

يعطيكي العافية


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://sh-zkriat.yoo7.com
 
مسجات في مسجات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شاطئ الذكريات :: شاطئ التقنية والتكنولوجيا :: منتدى الجوالات-
انتقل الى: