آسف انا في حبي لك تسرعت,,
ظنيت ألاقي فيك شيء فقدته
كنت أحسبك مجروح مثلي تولعت
جربت فرقى شخص مثلك وهبته
كنت أحسبك من مر جرحك تجرعت
حبيت فيك احساس طفل لمحته
لو قلت آآآآآه بوسط روحي توجعت
ولو شفت دمعاتك شعوري سكبته
ولو تطلب عيوني ابد ماتمنعت
واعطيك قلبي لو بعد ما طلبته
وصلت بك...اعلى مكان وتربعت
وفي قلب غيري يالغضي ماوصلته
واصبر على صدك واشوفك تدلعت
واعطيك ود وما اظنك حسبته
اذهلتني بطباعك اللي تطبعت
حتى قصيدي فيك ابد ما فهمته
لو كان غاياتك حروفي فانا بعت
وافرح بجرح الشاعر اللي جرحته
وارجوك من صدك تراني تشبعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك ترفعت
ياليت قلبي قبل اعرفك دفنته
لكن اببعد دامني بك توهقت
الله يرحم حبنا اللي ذبحته
انا شريت الود والحين انا بعت
وانا عطيتك قلبي اللي قهرته
في يوم جيتك اطلبك ود واقنعت
نفسي بانك شخص عادي عرفته
كمل حياتك مثل ما انا توقعت
تبقى اسير الماضي اللي فرضته
ولا يحزنك اني غلطان وتراجعت
حولك بدالي ألف شخص عجبته
اما انا لا يمكن اخضع ولا طعت
يحرم علي اعطيك قلب خذلته
بـأريحك من شوفتي يوم قاطعت
اسلوبك اللي تجامل به كرهته
غلطان يالمقفي أنا ما تتبعت
غيري يتابع خطوتي ما تبعته
ما ينحني راسي لو اني تقطعت
وما هو أنا من لا رميته لقطته
وان كان غرك حكي عذالي وطعت
الله يعلم كيف قلبي سكنته
اللي ملا قلبك علي وتسمعت
خله يعوض شخص مثلي خسرته
انا بما فية الكفاية تولعت
واللي بقى من قلب فيني حرقته
باول لقاء سلمته احساسي وضعت
غلطة حياتي يوم قلبي سلبته
واستسمحك فالبعد كاني تراجعت
ماعاد ابلقى فيك شيء فقدته
طبعك مثل غيرك وطبعي كما كنت
احب شخص ولا تركته ..تركته
وان شفتني صدفة بعينك تطلعت