كفايه اموووت خليني جروحي بس هي تسمعكـ

هات الحبر بكتب شعر
بكتب نثر بكتب سواليف العمر
بكتب على صدر الجروح
ان الألم مثل الطموح
حنا بيدينا نمسكه
وحنا الذي منه ننوح
وحنا طريقه نسلكه
ثم نطلبه عنا يروح
حنا الجروح
لان الجروح لولا البشر ماهي جروح
لولا البشر كان بتروح
أصل البشر هم الجروح
في ذمتي هم الجروح
تناديني !!
تناديني !!
أنا جروحي إذا أنت تناديني ... تناديني !!
جروحي بس من تسمعك تهد الحيل .. تنهيني ..
وترميني
إلى آخر مدى للحزن .. ترميني ..
... تناديني ..
جيتي الحين !!!

وينك ؟ يوم أنا أناديك
وينك ؟ يوم أنا المكسور
وأصيح بكل مافيني ..
وأنزف دمعة المقهور
وأقول تكفى ..!!
دخيل الله ...
أمانه ....
لا تخليني ..
بـظلام العاطفه آدور
ولا فادت دخيل الله ..!!..
ولا فادت معك تكفى..!! ...
زرعت بالظهر خنجر ..
تركت بالصدر سكين
وجتني الحين ..
تناديني ...!!
أبفهم ليه تناديني ؟!

بقولة!!

!!!!!! آسفه وحقكـ علي وأرجوكـ سامحيني !!!!!!

ماسألت النفس مره لي متى انا ...... أسامح ؟
ماتوقعت بأني لاشتهيت أصير جارح ...
.. بكل سهوله أصير جارح ...! ...
أيه تعبت .. والله تعبت .. لي متى لذنوبك بأسامح ..؟
لي متى لذنوبك بسامح !!؟؟
عمري ماقصرت فيك ..
كانت البسمه بشفاتي ... ... تترك شفاتي تجيك ..!
كانت الفرحه بعمري ... ... ناقصه لين ألتقيك ..!
ومن كثر حزني لاجلك... .. تصرخ الدمعه تبيك !!
لحظة تشكي إليك ... .. ولحظةِتشكي عليك ..!!
عمري ماقصرت فيك ..
لو طلبت العمر ... كنت أقول العمر أنت ..
لو طلبت النظر ... كنت أقول الشوف أنت..
لو طلبت القمر ... كنت أقول النجم أنت ..
وفعلا ً أنت كـ القمر ... تعكس النور بس !!!
للأسف شنت .. وخنت ..
بلا ذنوب قلبي جرحت ..
وأبتسامه ! كانت أغلى شي عندي
لإبتساماتي سلبت
تناديني ..!
تنادي الميت المدفون
أنا ماسمعك وربي لاتناديني .. أنا ماسمعك !!
كفايه أموت خليني .. جروحي بس هي تسمعك ..!!
أنا ماسمعك .. أنا ميت !! .. أمانه لا تناديني ..!!
كفايه بس خليني .. أنا ماسمعك .. أنا ميت ..!!
أمانه لا تناديني .. أنا ميت ..!! .. كفايه الموت خليني
جروحي لا تناديني
تعال وأزعج قبري .. لذيذ الموت ... صحيني
تعال وأكتب أني وفيتك وأنت.. خنتني
تعالي أتأكد بنفسك .. بأني مت !! بحفظ الموت خليني

بني آدم ترى مثلك ... أنا مثلك ترى أنسان
أعيش .. أتحرك .. أتنفس !
تعال !! دريت أني أتنفس ؟
دريت بداخلي فيه دم .. عظامي يكتسيها اللحم
أموت إذا أكلت السم !!
حالي حال أي أنسان !!
يعيش اليوم في فرحه ... وباكر تلحقه أحزان ..
أنا مثلك كما أنت ..
لا بي زياده ولا نقصان ..
ترى مثلك أنا أنسان ..
لي حدود أكون طيب
ولي طعون إذا أنهان

اشيل همي على متني ولا اقدر
وأحس حظي غصب يقدم احزاني
وتضيق انفاسي علي والوقت مايصبر
واشوف كف الزمن ينسجلي اكفاني
ماتت طموحاتي حزينه داخل الدفتر
ماتت وتنشدني امانه منهو الجاني
وياكيف اجاوبها وساكن بالظهر خنجر
وان ماذبحني فانا مذبوح بأشجاني

جيتك وانا كلي امل
جيتك بقايا من امل
احمل همومي الغابره
ياكثر ماظهري احتمل ...!!

تناديني !!
هاتي الحبر بكتب شعر
بكتب من دموع السهر
بكتب على درب السفر
أني " مغادر " للجروح
وأنها على أسمي تروح
وأني أنا مايوم صحت ..
بالعكس هي مني تنوح
وأن أبتساماتي الطموح
وأن الجروح لولاي أنا ماكان تتسمى جروح
لاني بشر .. لولا البشر كان الجروح ماهي جروح

وكفايه اموت خليني ... جروحي بس هي تسمعكـ !!

حقوق الطبع منقوله

مشاعر مجهوله