طفلة أنجبت وطن

طفلة قبلتني وهربت

تركت جملة من الأحاسيس
تناغمت مع قصف الاحتلال

لحظة .. نسيت البداية

قالت: علمني القتال

علمني يا معلم الأجيال

قل لي كيف يصنع الأبطال ؟

كيف نغدو بالأمس ونحن في زمن الاحتيال ؟

من أين ابدأ ؟

ولمن الجأ ؟

فلقد مللت عصر الأنذال .

طفلتي استبكين ..؟

لا .. لا .. فقط احلم

بصلاح الدين

إذا دعينا من هذا الجدال

فعمرك اصغر من عمر السؤال

ما اسمك ؟

وطن واسم أبويا عهد

والعائلة صامدين

واسم أمي غزة

واخويا مجد

وعمي سجين

وجدي الله يرحمه

كان يقول راجعين

طيب وين ساكنين ..؟

بالبلد

وين يعني يا بنت

عأطراف فلسطين

أصلوا بالأصل كنا جوا

وبعدين صارنا منكوبين

مشتتين بلبنان وبسوريا وبعمان

والباقي مختلفين

عشو ..؟

عكبونة وكيس طحين

وعشعب مشردين

بقولوا بدهم يحرروها

هيك هما بقولوا

مين هي ؟

بقولوا فلسطين

فكرك بقدروا ..؟

هدول مجانين

فهمني ليش ؟

قلة الحكي حكي

زهقت وأنا بشتكي

بدي أروح

فكرك حدا راح ينادي عليا

ما بتصور